റമീസിന്റെ അലാറം


അയ്യപ്പബൈജുവിനെ പോലെ,
ഒരലാറമുണ്ട്,
*റമീസിന്റെ റൂമില്‍,
ബഡ്ഡിന് കീഴെയൊരു
മൂലയിലായിട്ട്..
രാവിലെയഞ്ചിനെന്നും
പിരടിക്കഞ്ച് കിട്ടിയാലും,
തെറിവിളിക്കാന്‍
ഒരുളുപ്പുമില്ലാതെ
ഉറക്കമുണര്‍ത്തിയവന്റെ -
കൈനീട്ടം വാങ്ങിവെക്കുന്നു
പാവം അലാറം..!!






*ഞങ്ങളുടെ നാട്ടിലെ ഒഴിവാക്കാനാവാത്ത ഒരു കഥാപാത്രമാണ് റമീസ്

ഇനി നീയുറങ്ങുക


ഇനി നീയുറങ്ങുകയീ
നദിക്കരയില്‍,
വാരിയന്‍കുന്നന്റെ
ചെഞ്ചോരയുറ്റിയ
മണ്‍ തരികളില്‍
മഴയിരമ്പം കേള്‍ക്കാതെ
വെയിലിന്‍ ശ്വൌര്യമേല്‍ക്കാതെ
കാറ്റിനലര്‍ച്ചയില്ലാതെ..
നീയുറങ്ങുക - സ്വൈര്യമായി..
ചിതറിക്കിടന്ന നൂലിനാല്‍
നിന്‍ പിതാവ് നെയ്തതില്‍
നീ ചേര്‍ത്ത് തുന്നിയ
ഹരിതാഭ നിനക്കായി
തണലേകും നാളെയും..
നിന്മന്ദസ്മിതത്തിലലിഞ്ഞ
ആക്രോശങ്ങള്‍,
കാലടിപുണര്‍ന്ന കവലകള്‍
ശാന്തമാണിന്നും നിന്നെയോര്‍ത്ത്.
നിന്‍ തൂലിക നല്‍കിയ
അക്ഷരക്കൂട്ടും
പറയാതെ പറഞ്ഞ
ശാസ്യഭാഷ്യങ്ങളും
ആലംബമറ്റയീ
മക്കള്‍ക്ക്
കരുത്താവുമെന്നും..
പകരമായി നല്‍കാന്‍
ഒന്നുമില്ല..!
കണ്ണീര്‍തൂവിയ
പ്രാര്‍ത്ഥനയല്ലാതെ....


ചിലന്തി..



എട്ടുകാലുമായ്,
ദേഹം നിലം തൊടീക്കാത്ത
ഹേ ചിലന്തീ...
നീ വിഡ്ഢി..!!
ഇങ്ങേ കൊമ്പില്‍ നിന്ന്
അങ്ങേ കൊമ്പിലോട്ടൂഞ്ഞാലാടി
ദുര്‍ബലമാം നിന്‍ ഉമിനീര്‍ നൂറ്റ്
വട്ടത്തില്‍ വലതീര്‍ത്തവന്‍
നീയാണ് വിഡ്ഢി..!
മാവ് പ്ലാവിനോടും
തെങ്ങ് കവുങ്ങിനോടൂം,
കൂട്ടാവില്ലൊരിക്കലുമെന്നറിയാതെ,
അവരെ തമ്മില്‍ കൂട്ടാന്‍ ശ്രമിച്ച
നീയല്ലെ,
ആഗോള വിഡ്ഢി....!!
ഉണങ്ങി തൂങ്ങിയ മടലുമായി
പുരയുത്തരത്തെ ബന്ധിച്ച്
എന്ത് നേടി നീ വെറും ചെറു
പൂമ്പാറ്റയും വണ്ടും പ്രാണിയുമല്ലാതെ.
പണ്ടു മുതലേതോ
മൂഢ കവിഭാവനയില്‍,
നിന്‍ വിരുത് വാഴ്തപെട്ടത്
നീയാസ്വദിച്ച്,
ലോകം മുഴുക്കെ നിന്‍
നൂലില്‍ ബന്ധിതമെന്ന്
തെല്ല്ലല്ലാതഹങ്കരിച്ചു
നീ - പമ്പരവിഡ്ഢി..
ഇലയുണങ്ങും ശിഖിരവും..
അന്നു നിന്‍ കോട്ട തകരുമെന്ന്
നീയോര്‍ത്തുവോ..??
പ്ലാവൊരു നാള്‍
വീഴ്ത്തപ്പെടുമെന്നും,
ശക്തമല്ലാത്തൊരു കാറ്റില്‍ പോലും
നിന്‍ തുപ്പലലിഞ്ഞ് ചേരുമെന്നും
നിന്‍ ചെറു ബുദ്ധിയിലുദിച്ചില്ല..
കാലം തേളിയിച്ചു
നീയാണ് വിഡ്ഢി..!!
ഇത്തിരി പോന്ന ചിലന്തി
നീയാണ് വിഡ്ഢി,,!!!











ചിത്രത്തിനു കടപ്പാട്,
read it here also

മുന്‍തളിറിന്റെ പാദുകം


വിശ്രമിക്കാനൊരു നാള്‍,..
തണലിലിരുന്ന,
ന്യൂട്ടന്റെ തലയില്‍,
ചെമപ്പ് നിറമുള്ള-
ഒരാപ്പിള്‍ വീണതാണ്,
സ്വബോധോദയത്തിനും,
ശേഷം,
ഭൂഗുരുത്വ തത്വത്തിനും,
കാരണമായത്..!!

ഇനിയുള്ള കാലം,
കാലും നീട്ടി-
വിശ്രമിക്കാനൊരുങ്ങും,
യാങ്കി തമ്പുരാന്റെ,
തലയിലുതിര്‍ത്ത,
ചോരയില്‍ കുതിര്‍ന്ന-
മുന്‍തളിറിന്റെ പാദുകം,
എന്തു ബോധ്യമാവും നല്‍കുക?
ആ നീച ജന്മത്തിന്???‍